उत्तराखंड चुनाव २०१७

सुप्रसिद्ध लोक गायक नरेंद्र सिंह नेगी 

ने रचा एक गीत ....... 

गीत के बोल इस तरह हैं…

तन्नि तान तन्नि तून
तन्नि ढेबरि तन्नि ऊन
तेरिभि सुणला खैरि
पैलि उतराखण्डै सूण ।
उतराखण्डै सुण रे दाज्यु उ0ख0सूण।
सोळा सालो ह्वेगे राज
सात राजोन पैर्याली ताज
कातिल घुमणा अजाद
राजों थै सरम न लाज
हर साल औन्दन माळा टंगणू
अजिभि न्योनिसाब मंगणू
शहीदू को खून ।

तन्नि तान- – – –

छोटा राज का बडा सबाल
हडताळ्यूँकि नि बुझि मसाल
बिमार लाचार अस्पताळ
स्कुलूको चक्रचाळ
राजधानि बल टंगीं रालि
आधा गैरसैण आधा देरादूण जालि

तन्नि तान ——–

तन्नि ढेबरी तनी ऊन
तेरि भि खैरि सुणला पैलि
उतराखण्डै सूण ।
उतराखण्डै सुण रे भैजि उतराखण्डै सूण ——
दारू खनन भूमाफ्योंकी
बारामासी बग्वाळ यख
अफसर नेतौंकि दाज्यू
पट्ट बोटीं अंग्वाळ यख
भ्रष्टाचारै बास नि ऐ
लोकायुक्त रास नि ऐ डौर कैकि हूण

तन्निले तान ————-

तन्नि ढेबरि तन्नि ऊन

तेरिभि सुणला दाजु

पैलि उतराखण्डै सूण ।

उतराखण्डै सूण

काँग्रेस बल नौ की रैगे

भाजप्पा काँग्रेस ह्वेगे

थोरि थोरडा बागि ह्वेगिनी

कख भेजिछा कख पौंछिनी

नेता सौदाबाजिम् ब्यस्त

जनता डैनिस प्येकि मस्त

भल्यार कनै हूण ।

तन्निले तान तनी तून-

तनि ढेबरी तन्नी ऊन

तेरि भि सुणला दाजू पैलि

उतराखण्डै सूण ।

उत्तराखंड चुनाव २०१७ 

Read More